Қазақ филологиясы және журналистика кафедрасы

«Қазақ филологиясы және журналистика» кафедрасы қазақ тілі мен әдебиеті пәнінің мұғалімін, филолог және журналистика мамандарын даярлайды. «Қазақ филологиясы және журналистика» кафедрасының тарихына зер салсақ, Семей мемлекеттік педагогикалық институтының құрылымындағы негізгі буындардың бірі ретінде қазақ тілі мен әдебиеті кафедрасы 1939 жылы құрылған. Кафедраның тұңғыш меңгерушісі - қазақтың Абай атындағы мемлекеттік педагогикалық институтының түлегі – Рахым Барлыбаев. Ұлы Отан соғысына қатысқан. Кейіннен бірер жыл институттың директоры болған. Қазақ тіліндегі саяси-әлеуметтік лексика бойынша кандидаттық диссертация қорғаған. Кафедраның келесі басқарушысы - Қазақтың Абай атындағы мемлекеттік педагогикалық институтының түлегі Жұмағали Шәкенов. Ұлы Отан соғысына қатысқан. Қазақ тіліндегі сын есім категориясы бойынша кандидаттық диссертация қорғаған, доцент. Қазақстанның және КСРО-ның білім беру ісінің үздігі, Қазақстанның еңбек сіңірген қызметкері. 1978 жылдан 2008 жылға дейін кафедра меңгерушісі - филология ғылымының кандидаты, профессор, ҚР және КСРО білім беру ісінің үздігі Қинаят Шаяхметұлы. Кафедраның профессор-оқытушылар құрамы 15 оқытушыдан тұрады, оның ішінде 11 ғылым кандидаты, 4 магистр қызмет атқарады. Ғылыми дәрежесі бар оқытушылар 80 % құрайды. Қосымша жүктемеде 2 ғылым докторы, 1 PhD, 2 ғылым кандидаты, 3 практик маман жұмыс атқарады. Атап айтқанда, ф.ғ.д., профессор А.С.Еспенбетов, ф.ғ.д., профессор Б.А.Ердембеков, ф.ғ.к., профессор А.К Қадыров., ф.ғ.к., профессор А.О.Тоқсамбаева ф.ғ.к., доцент Э.М.Сәмекбаева, п.ғ.к., доцент Қ.Қ.Мұқанова, PhD докторы Қ.Ә.Әубәкірова, PhD Ә.Ә.Қасымова, ф.ғ.к. Т.Б. Қабышев, ф.ғ.к. Р.Қ.Сабырбаева, ф.ғ.к. Ш.С.Кеңесбаева, ф.ғ.к. Ғ.А.Түсупбекова, ф.ғ.к. Г.Б. Саганаева, ф.ғ.к. Қ.С.Құрмамбаева, ф.ғ.к. Ә.М.Жұмағұлова және магистрлер Г. Сағындыққызы, Г.С. Ахметова, А.С. Хибадуллина, Р.Т. Өмірбаев. Кафедрада кәсіби деңгейі жоғары мамандар қызмет атқаруда. Практикалардың кәсіби түрлері ҚР және Абай облысы жетекші мекемелері мен ұйымдарында жүргізіледі. Дуалды білім беру элементтері теориялық білімді практикада бекітуге мүмкіндік береді. Білім беру бағдарламасы оқыту нәтижелерін және жұмыс берушілердің талаптарына сәйкес құрылған. Кафедра ПОҚ ББ үндестіруге белсенді қатысады, басқа ЖОО-лардың жаңа енгізулеріне қызығушылық танытады. Мүмкіндігінше өзінің ББ-не жаңалықтар енгізеді. ПОҚ мен білім алушылар академиялық ұтқырлық бағдарламасына белсенді қатысады. Кафедрада серіктес жоғары оқу орындарымен оқу жылының бір семестрі ішінде білім алушылармен алмасу жақсы жолға қойылған. Кафедра жұмыс берушілермен өзара тығыз байланыс жасайды, түлектердің жергілікті атқарушы билік өкілдерімен және жұмыс берушілермен кездесулерін өткізеді. Жыл сайын түлектердің жұмысқа орналасу пайызы 70-80 пайызды құрайды.